О.Гүндэгмаа 26-д, Ц.Анударь 35-д оров
Эмэгтэйчүүдийн спорт гар бууны 25 метрийн дасгалд тамирчид урьдчилсан шатны сүүлийн 30 сумаа буудаж дуусжээ.
Манай тамирчин Ц.Анударь өчигдөр 287 оноогоор 29-д жагсаж байсан билээ. Тэгвэл өнөөдөр тэрээр хурдан буудлагад 285 оноо авснаар нийлбэрээр 572 оноотой болж, 35-д оржээ. Ц.Анударь эхний 20 сумаа 96, 98 гэж буудан тун өнгөлөг явсан ч сүүлийн 10 сумандаа 91 оноо авснаар байр үлэмж ухарсан байна. Эдгээр 10 сумны гуравт нь найм оножээ.
Энэ төрөлд өрсөлдсөн манай нөгөө тамирчин О.Гүндэгмаа хурдан буудлагадаа 295 оноо авч, нийт 578 оноотойгоор байр урагшлан 26-д бичигдсэн амжилтаар Олимпоо өндөрлүүлэв. Манай тамирчин сүүлийн 30 сумандаа маш сайн буудаж 97, 100, 98 оноо авсан байна.
Урьдчилсан шатанд Болгарын А.Костадинова 590 оноогоор тэргүүлж, Хятад, Орос, Герман, Тайвань, Грек, Солонгосын тамирчид араас нь жагсан, финалын шатанд шалгарчээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.