Монгол Улсын Ерөнхий сайд Л.Оюун-Эрдэнийн Япон улсад хийсэн ажлын айлал өндөрлөж, эх орондоо иржээ. Тэрээр энэ сарын 21-нд Япон улс руу айлчлахаар мордсон юм. 

Ерөнхий сайд Л.Оюун-Эрдэнэ айлчлалынхаа үеэр Япон Улсын Цог Жавхлант Эзэн хаанд бараалхаж, Япон Улсын Ерөнхий сайд Ё.Сүгатай албан ёсны уулзалт хийсэн Мөн тэрэр Олимпын нээлтийн ёслолын ажиллагаанд оролцож, Японы эрх баригч Либерал Ардчилсан намын ерөнхий нарийн бичгийн дарга Т.Никай, Японы парламентын Төлөөлөгчдийн танхим дахь Япон, Монголын найрамдлын бүлгийн дарга М.Хаяши, Японы парламентын зарим залуу гишүүн, мөн Япон Улсын Эдийн засгийн сэргээн босголт, “КОВИД-19” цар тахалтай тэмцэх асуудал хариуцсан сайд Ё.Нишимүра болон Японы ХӨСҮТ-ийн удирдлагатай тус тус уулзаж цаг үеийн тулгамдсан болон хоёр талын хамтын ажиллагааны асуудлуудаар уулзаж ярилцсан юм. 

Мөн Ерөнхий сайд Л. Оюун-Эрдэнэ буцах замдаа БНСУ-д саатаж, БНСУ-ын Ерөнхий сайд Ким Бү Гём-той ажлын уулзалт хийсэн. БНСУ-ын Ерөнхий сайдтай цар тахлын хариу үйлдлийн менежмент, иргэдийн харилцан зорчих журам болон хоёр улсын харилцаа, хамтын ажиллагаа, хэрэгжиж буй төсөл хөтөлбөрүүдийн талаар санал солилцсон билээ. 

Тэгвэл хоё ч улсад ажлын айлал хийсэн Ерөнхий сайд айлчлалаа дуусгаад өнөөдөр эх орондоо газарджээ.

---