Наадмын дараа халдварын шинэ давалгаа үүсэхээс сэргийлье
Тулгар төрийн 2230, Их Монгол Улс байгуулагдсаны 815, Үндэсний эрх чөлөө, тусгаар тогтнолоо сэргээн мандуулсны 110, Ардын хувьсгалын 100 жилийн ой тохиож байна. Засгийн газрын ээлжит бус хуралдаанаар цар тахлын улмаас Үндэсний баяр наадмыг нэг жилээр хойшлуулах шийдвэр гаргасан билээ. Мөн иргэдийг баяр наадмын өдрүүдэд ес хоног амраах шийдвэрийг хэвээр нь үлдээсэн. Үүнтэй холбоотойгоор иргэд олон нийт хөдөө орон нутгууд руу явж, амралтаа өнгөрөөж байна.
Гэвч зарим газруудад иргэд олноороо бөөгнөрөх явдал үүсээд байгаа юм. Тиймээс ЭМЯ-ны зүгээс баяр наадмын дараа халдварын шинэ давалгаа үүсэхээс сэргийлж хүн хоорондын зайгаа барьж, гараа угааж, амны хаалтаа зүүх уриалгыг гаргалаа. Мөн гэр бүлүүд бусад гэр бүлүүдтэй холилдож, олуулан нэг дор уулзахаас сэргийлэхийг эрүүл мэндийн салбарынхан анхааруулж байна. Иргэн та өөрийгөө болон хайртай хүмүүсээ цар тахлаас хамгаалж, хариуцлагатай аялж амраарай!
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.