? LIVE: Сумо бөхийн Нагоя башё /Тав дахь өдөр/

Японы мэргэжлийн сумо бөхийн Нагоя башёгийн тав дахь өдрийн барилдааныг шууд дамжуулан үзүүлж байна. 

Дөрвөн өдрийн дараах байдлаар дээд зиндаанд нэг ч унаагүй гурван бөх байгаа нь их аварга Хакухо М.Даваажаргал, озеки Тэрүнофүжи Г.Ган-Эрдэнэ, Тамаваши Б.Мөнх-Оргил нарын монгол бөхчүүд байна. Нагоя башёгийн дөрөв дэх өдрийн барилдааны тоймыг ЭНД дарж үзнэ үү. 

Өнөөдөр дээд зиндаанд барилдах монгол бөхчүүдийн оноолтыг танилцуулж байна. 

• Маэгашира 10 Тамаваши Б.Мөнх-Оргил /4-0/ - Маэгашира 8 Аойяама /1-3/
• Маэгашира 7 Чиёошома Г.Мөнхсайхан /2-2/ - Маэгашира 9 Хиденоуми /2-2/
• Маэгашира 5 Хошорюү С.Бямбасүрэн /3-1/ - Маэгашира 7 Мёогирюу /1-3/
• Маэгашира 6 Кирибаяама Б.Лхагвасүрэн /3-1/ - Маэгашира 5 Окиноуми /3-1/
• Озеки Тэрүнофүжи Г.Ган-Эрдэнэ /4-0/ - Маэгашира 3 Хокутофүжи /3-1/
• Ёкозүна Хакухо М.Даваажаргал /4-0/ - Маэгашира 2 Ичиножо А.Ичинноров /3-1/

Өнөөдөр Тэрүнофүжи Г.Ган-Эрдэнэ маэгаширагийн 3-аас барилдаж буй Хокутофүжитэй ес дэх удаагаа учраа тааран барилдана. Хоёр бөхийн хувьд 2020 оноос хойш өнөөдрийг таван удаа учраа таарахад Тэрүнофүжи Г.Ган-Эрдэнэ тав дараалан даваад байгаа юм. Харин их аварга Хакухо М.Даваажаргал нутаг нэгт Ичиножо А.Ичинноровтой өнөөдөр 16 дахь удаагаа учраа тааран барилдана. Өмнө нь 12 удаа их аварга Ичиножог давсан ч хамгийн сүүлд 2019 оны Нагоя башёд учраа таарахд Ичиножо А.Ичинноров аваргыг хаяж байлаа.