Хөвсгөл аймгийн Мөрөн сумын Нисэх багийн “Цагаан-Эрэг” нэртэй газар /аймгийн төвөөс баруун зүгт 7 км-т/ таван хүн зугаалж явснаас нэг хүн “Дэлгэрмөрөн” голын усанд сэлэхээр ороод живсэн тухай дуудлагыг 07.07-ны өдрийн 16:00 цагт хүлээн авсан байна.

Дуудлагын дагуу тус аймгийн Онцгой байдлын газрын Эрэн хайх, аврах салбарын алба хаагчид 7 км замыг туулан 16:14 цагт очиж, тус аймгийн Шинэ-Идэр сумын харьяат иргэн Б /32 настай, эрэгтэй, согтууруулах ундааны зүйл хэрэглэсэн/-ын цогцсыг мөн өдрийн 16.46 цагт “Дэлгэрмөрөн” голын усны мандлаас олж, аймгийн Цагдаагийн газрын мөрдөгчид хүлээлгэн өгчээ. Иргэний цогцос олдсон газар осолдсон газраас хоёр км зайтай байна.

---