Усанд осолдсон хоёр иргэний цогцсыг гаргалаа
Төв аймгийн Эрдэнэ Сум, Өгөөмөр 1-р баг Дэлийн үзүүрийн-Өлийн гарамын ойролцоо хоёр иргэн усанд осолдсон байж болзошгүй гэсэн дуудлага өнөөдөр өглөө 06:10 цагт Налайх дүүргийн Онцгой байдлын хэлтэст иржээ.
Дуудлагын дагуу Онцгой байдлын хэлтсийн дарга, хурандаа Л.Чинбатаар ахлуулсан алба хаагчид эрэн хайх ажиллагааг зохион байгуулж, 09:46 цагт ослын газраас 3 км зайтай иргэн Г /38 настай, эрэгтэй/-ийн цогцсыг гаргасан байна.
Мөн тус газраас урсгал дагуу 500 метрийн зайнаас 10:05 цагт иргэн Ц /63 настай, эрэгтэй/-н цогцсыг гаргаж, Төв аймгийн цагдаагийн байгууллагад хүлээлгэн өглөө хэмээн НОБГ-ын Налайх дүүргийн Онцгой байдлын хэлтсээс мэдээллээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.