ВИДЕО: Химийн бодис тээвэрлэж байсан машин дэлбэрч 22 хүн амиа алджээ
Хятадын Хэбэй мужийн Жанжиакоу хотод үйл ажиллагаа явуулдаг Хэбэй Шэнхуа химийн үйлдвэрийн хажууд дэлбэрэлт болжээ. Үйлдвэрийн хашааны хаалган дээр химийн бодис тээвэрлэж байсан ачааны машин дэлбэрсэн байна.
Ослын улмаас 22 хүн амиа алдаж, мөн тооны хүн гэмтэж бэртжээ. Мөн зам дагуу осол гарсан тул бага, том оврын 50 гаруй тээврийн хэрэгсэл шатаж, автозамын хөдөлгөөнийг хаажээ.
Хэбэй Шэнхуа химийн үйлдвэрийн барилга галд өртсөн эсэх нь тодорхойгүй байна. Дэлбэрэлтийн улмаас Жанжиакоу хотын тэнгэрт утаат хар багана сүндэрлэжээ.
Жанжиакоу хот нийслэл Бээжингээс баруун урагшаа 156 км-т байдаг ба 2022 оны Өвлийн Олимпийн наадам зохион байгуулагдах газруудын нэг юм.
Хятадад аж үйлдвэрийн осол, химийн үйлдвэрийн дэлбэрэлт түгээмэл тохиолддог. Аюулгүй байдлыг бүрэн хангаагүйгээс осол, гэмтэл үүдэлтэй гэж иргэд бухимдлаа илэрхийлсээр байдаг.
Гурван жилийн өмнө Тианжин хотод химийн бодисын агуулах дэлбэрч 165 хүн амиа алдаж байсан юм.
Эх сурвалж: www.aljazeera.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.