БНСУ-ын орон сууцад гал гарч, монгол иргэн нас баржээ
Өмнөд Солонгосын Кёнги мужийн Бучон хотод байрлах гурван давхар орон сууцны байшинд гал гарч, 30 орчим насны монгол эрэгтэй нас баржээ.
Гал өнөөдөр өглөөний 05:45 цагт гарсан бөгөөд гал сөнөөгчид шуурхай ажиллан, галыг 33 минутын дотор унтраасан байна. Аврах ажиллагааны үеэр албаныхан байшингийн хоёрдугаар давхарт амьдардаг монгол иргэнийг олжээ. Тэрээр ухаан алдсан байсан бөгөөд ойролцоох эмнэлэг рүү яаралтай хүргэсэн боловч удалгүй нас барсан байна.
Байшингийн оршин суугчдаас "Хоёр давхарт гал гарсан бололтой" гэх дуудлагыг авсны дараа орон нутгийн гал унтраах ангийн 37 алба хаагч 15 техник хэрэгслийг дайчлан галыг унтраахаар ажиллаж, 06:18 цагт бүрэн унтраасан аж.
Гал гарах үед хохирогч эрэгтэй гэртээ ганцаараа байсан нь тогтоогджээ. Гал түүний өрөөн доторх хийн зуухны ойролцоогоос эхэлсэн гэж шинжээчид урьдчилсан байдлаар тогтоосон бөгөөд галын шалтгаан болон эд хөрөнгийн хохирлыг үргэлжлүүлэн шалгаж байна.
Эх сурвалж: Yonhap News Agency
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.