Засгийн газар ээлжит бусаар хуралдаанаар 2021 оны 04 дүгээр сарын 10-ны өдрийн 06.00 цагаас 04 дүгээр сарын 25-ны өдрийн 00.00 цаг хүртэл улсын хэмжээнд бүх нийтийн бэлэн байдлын зэрэгт хэсэгчилсэн байдлаар шилжүүлэхээр болсон.

Бүх нийтийн бэлэн байдлын зэрэгт шилжихтэй холбоотойгоор иргэдийн хөдөлгөөн ихэсжээ.

Тодруулбал, Өглөөний 08:00 цагийн байдлаар Хүчит Шонхор худалдааны төв болон ойр орчмын зогсоол талбай дүүрсэн, тухайн худалдааны төвийг чиглэсэн тээврийн хэрэгслийн хөдөлгөөн ихэссэн байна. Иргэдийн нягтрал, бөөгнөрөл үүсч байгаа тул халдвар хамгааллын дүрэм, журмыг баримтлан аль болох худалдааны төврүү чиглэхгүй байхыг Тээврийн цагдаагийн албанаас анхааруулж байна.

---