Г.Болдмаа: Ирэх сард "Синофарм" болон "Спутник V" нийт 1 сая 900 мянган хүн тун вакцин ирнэ

ЭМЯ-аас коронавируст халдварын нөхцөл байдлын мэдээллийг 2021 оны гуравдугаар сарын 29-ний 09:00 цагийн байдлаар хүргэлээ.

Энэ үеэр ЭМЯ-наас халдвар хөдөө орон нутагт нийт 14 аймагт бүртгэгдсэнийг мэдээллэв. Нийслэл хотоос хөдөө орон нутаг руу нэн шаардлагатай нөхцөлд л зорчиж байгаа юм. Улаанбаатар хотын иргэн та бүхэн нэн шаардлагатайгаас бусад тохиолдолд гэрээсээ гарахгүй байхыг ЭМЯ анхаарууллаа.

ЭМЯ-ны хэлтсийн дарга Г.Болдмаа вакцинжуулалтын талаар "Бид зорилтот бүлгийн хүмүүсээс 55 хувийг нь вакцинжуулсан. Манай улсын хувьд 18-аас дээш насны 2 сая хүн амаа вакцинжуулахаас 7 хүн тутмын нэгийг вакцинжуултад хамруулаад байна. Засгийн газрын худалдан авах гэж байгаа вакцин дээр дөрөвдүгээр сарын эхээр болон сүүлчээр 900 мянган хүн тун Синофарм вакцин, нэг сая тун Спутник-V вакцин ирнэ. Дөрөвдүгээр сарын 10-наас эхлэн Синофарм болон Астра Зенека вакцины давтан тун хийгдэнэ" гэлээ.

Байгууллага, аж ахуйн нэгжүүдийг вакцинжуулах ажил үргэлжилж байгаа бөгөөд боловсролын байгууллагуудыг вакцинжуулж дууссан, дархлаажуулалтад 98 хувьтай хамрагджээ. 18-25 насныхан вакцинжуулалтад нэмэлтээр хамрагдахаар бэлтгэл ажилдаа ороод явж байна гэв.