Хан-Уул дүүргийн 2 дугаар хорооны ногоон байгууламж, хүүхдийн тоглоомын талбай байх ёстой нийтийн эзэмшлийн талбайд "Марта грийн" ХХК барилга барих болсныг оршин суугчид эсэргүүцэж байна. 

"Нэхмэл шинэ өргөө" СӨХ-ын дарга Г.Сэлэнгэ: 

-Барилга барихаар хашаалсан энэхүү нийтийн эзэмшлийн эргэн тойронд "Нутгийн буян" зэрэг хотхоны 740 өрх амьдарч байна. Манай энэ хавийн 1га газарт хэдэн оршин суугч амьдрах ёстой юм бэ? Энд багадаа 740 хүүхдийн эрх ашиг хөндөгдөж байна шүү дээ. Байрнуудын дунд битүү машин тавигдаж, иргэд суух сандалгүй, ганц ч ногоон байгууламж, хүүхдийн тоглоомын талбай байхгүй боллоо. 

"Марта грийн" ХХК-ийн хүмүүс болохоор "Манайх энэ газрыг худалдаж авсан. Өөрийн эзэмшлийн газар дээрээ барилга барина" гэж яриад байгаа. Нийслэл, дүүрэг, хорооны удирдлага үүнд хариулт өгч, энэхүү барилгын ажлыг даруй зогсоох хэрэгтэй байна. 

---