Төв аймгийн иргэдийг "Нэг хаалга-Нэг шинжилгээ"-нд хамруулна

Төв аймгийн Онцгой комиссын дэргэдэх Шуурхай штабаас мэдээллэж байна. /2021.03.07/

Зуунмод суманд батлагдсан 4 иргэнийг ХӨСҮТ-рүү зөөвөрлөн эмчилж байна. Зуунмод суманд бүртгэгдсэн 4 тохиолдолын ойрын хавьтлын 63 иргэнийг 3 цэгт тусгаарлах байранд тусгаарлан PSR шинжилгээг ХӨСҮТ-рүү илгээсэн. Шинжилгээний хариу маргааш буюу 3 сарын 8-ны өдөр гарна.
Нийт батлагдсан тохиолдлын дам хавьтал бүхий 200 гаруй иргэн гэрийн ажиглалтанд байна.
Батлагдсан тохиолдлын ойрын хавьтал Төв аймгийн Жаргалант, Эрдэнэсант, Баянчандмань, Бүрэн сумдад болон Улаанбаатар хот Дорноговь аймаг руу зорчсон байна.
Зуунмод сумын хэмжээнд “Нэг өрх-Нэг шинжилгээ”-г зохион байгуулахаар бэлтгэл ажлыг хангаж байна.
Аймгийн Онцгой комиссын дэд дарга, ОБГ-ын дарга, Хурандаа Н.Төмөрбаатар, ЭМГ-ын дарга С.Мөнхтуяа нар мэдээллээ.