Шинэ Зеландын Умард арлын орчимд 8,1 магнитудын хүчтэй газар хөдөлж цунамийн сэрэмжлүүлэг өгсөн. Цунамийн аюулаас сэрэмжилж Умард арлын эргийн бүсийн олон мянган иргэнийг нэн даруй нүүлгэн шилжүүлсэн. Тэгвэл баасан гарагийн өглөө өгсөн сэрэмжлүүлэг аюулгүй болсон тул тэдгээр олон мянган оршин суугч гэртээ эргэн харьж байна.

Шинэ Зеландын Үндэсний онцгой байдлын агентлаг сэрэмжлүүлэг өгөхдөө аюултай бүсийн бүх оршин суугчийг өндөрлөг газарт нэн даруй шилжиж, гэрээсээ гарахгүй байхыг анхааруулсан байна.

АНУ-ын газарзүйн судалгааны газар Кермадек арлын ойролцоо 19 км-ын гүнд газар хөдлөлтийн голомтыг тодорхойлсон. 8,1 магнитудын хүчтэй газар хөдлөлтийн дараа 7,3, 7,5 магнитудын хүчтэй хоёр ч удаа газар хөдөлсөн. АНУ-ын цунамийн сэрэмжлүүлгийн төвөөс Франц Полигезиад 1-3 метр өндөр, Ниу, Нью Каледониа, Соломоны арлуудад нэг метр өндөр далайн давлагаа үүсчээ.

Далайн хүчтэй давлагаа өнгөрсөн тул иргэд гэртээ буцаж харьж болох хэдий ч далайн эргийн амралтын газруудыг хаалттай үлдээсэн байна.

Эх сурвалж: The Guardian

---