LIVE: Монгол эрдэмтдийн бүтээсэн оношлуураар халдвар авсан дор нь илрүүлэх боломжтой
Монгол эрэмтэд шүлснээс коронавирус илрүүлэх оношлуур бүтээж, уг оношлуур 100 хувь үр дүнгээ өгсөн байна. Тиймээс ЭМЯ, Улсын онцгой комисст танилцуулж, УОК-оос үүнийг хэрэглээнд нэвтрүүлэх шийдвэр гаргажээ.
АШУҮИС-ийн дэд захирал Г.Батбааатар:
-Монгол эрэмтэд шүлснээс коронавирус илрүүлэх оношлуур бол коронавирусийг богино хугацаанд, эрт үед нь илрүүлэх боломжтой. Өнөөдрийн бидний ашиглаж байгаа оношлуурууд халдвар авснаас хойш эхний 3-5 хоногтоо илрүүлж чадахгүй байна. Тиймээс арван хэд дэх хоног дээрээ илрүүллээ гэж яриад байна. Харин манай эрдэмтдийн бүтээсэн энэ оношлуур халдвар дөнгөж авсан дор нь илрүүлнэ.
Өдөрт 20 мянган шинжилгээний оношлуурыг бэлдэж өгч чадна. Манай Улаанбаатар хотод өдөрт 15 мянган шинжилгээ авах шаардлага байдаг. Бид энэ хэрэгцээг хангаад, цаана илүү буюу 20 мянгыг гаргаж өгч чадна. Хамгийн гол нь үнэ нь гурав дахин бага. Мөн удаан хугацаанд хадгалаад байх боломжтой. Нэг цаг 30 минутаас хоёр цагийн дараа л шинжилгээний хариугаа гаргах боломжтой гэв.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.