Бүтээлч гэр бүл цасаар 23 метр урт аварга могой хийжээ
Ихэнх гэр бүлүүд цас мөсөөр хучигдсан өвлийн улиралд цасан хүн хийж хөгжилддөг бол АНУ-ын Коларода мужийн Денвер хотын нэгэн гэр бүл аварга том могой хийж хөршүүд болон цахим орчны хэрэглэгчдийг гайхшруулжээ.
Морн Мосли гэр бүлийн таван гишүүний хамт 23 метр урт аварга могой цасаар хийхэд хэдэн арван цагийг зарцуулжээ. Тэд 2019 онд цасаар аварга бар урласнаар орон нутгийн хэвлэлийнхний анхаарлыг татаж байжээ.
Энэ жил тэд хаалганыхаа үүдэнд цасаар хийсэн аварга могойгоо будаж янзалсан нь амьд мэт харагдуулжээ. Энэ нь хөршүүд төдийгүй хашааны үүдээр өнгөрч буй олон хүмүүсийг баярлуулан, аварга могойг харсан хүн бүр зогсож зургийг нь авах болсон байна. Мөн Facebook цахим сүлжээнд олон мянган удаа аварга могойн зургийг бусадтай хуваалцаж, ирэх жил Мослийн гэр бүл юу хийж хөгжилдөхийг тэсэн ядан хүлээж байна гэж нэгэн хэрэглэгч цахим хуудсандаа нийтэлжээ.
Эх сурвалж: ВВС
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.