Цахилгааны гэмтлийг засварлах ажил үргэлжилж байна
Өнгөрсөн амралтын өдрөөр нийт нутгийг хамарсан хүчтэй салхи болон цасан шуурга шуурсаны улмаас баруун 4 аймаг тог цахилгаангүй болж, олон арван айлын гэр байшин салхинд хийссэн билээ.
ОХУ-ын чиглэлийн гурван тулгуур багана унасны нэгийг нь өнгөрсөн шөнө босгож холбожээ. Одоогоор үлдсэн хоёр тулгуур баганыг босгож холбох ажил явагдаж байна. Үүнтэй зэрэгцээд Увсаас Ховд чиглэлийн 110 кВ 8 шонгийн угсрах ажил өнөөдөр эхэлж байна.
Энэ чиглэлийн холболтыг нөөц шонгоор дамжуулж байгаа учир цахилгааны хязгаарлалт дээрх 8 шонг угсарч дуустал үргэлжлэх аж. Дээрх гэмтэлтэй холбоотой цахилгааны холболтыг хийхээр ББЭХ-ний систем, баруун таван аймгийн эрчим хүчний салбарын ажилтнууд, Эрчим хүчний яам зэрэг байгууллагуудын 300 гаруй ажилтан хамтран өдөр шөнөгүй ажиллаж буй.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.