Засгийн газрын ХМОНХА-ны дарга Ц.Ганзориг:

Баянзүрх дүүрэгт өчигдөр 36 мянган хүнээс шинжилгээ авах ёстой байсан хэдий ч 51 мянган хүн хамрагдлаа. “Нэг хаалга-нэг шинжилгээ” арга хэмжээ өнөөдрөөр дуусгавар болж байгаатай холбоотойгоор иргэд маш ихээр шинжилгээнд хамрагдаж байна. Энэ нь бусад зайлшгүй шинжилгээ өгөх ёстой иргэдийнхээ боломжийг хаасан үйлдэл боллоо. Өнөөдөр Баянзүрх дүүргийн 23-р хорооны иргэд 87 дугаар дунд сургууль дээр очиж өгөөрэй. Коронавирусийн шинжилгээнд хамрагдаж амжаагүй өрхүүдийг коронавирусийн шинжилгээнд хамруулах, эрсдэл ихтэй хороо дүүргийн айл өрхийг өргөтгөсөн тандалт судалгаанд хамруулах ажил цаашид үргэлжилнэ.

-Зарим шинжилгээний цэгүүд оношлуур дууссан гэдэг үндэслэлээр иргэдээс шинжилгээнд хамруулах зөрчил Баянзүрх дүүрэгт их гарчээ. Шинжилгээнд хамрагдаагүй хүмүүс маргааш ажилдаа явж болох уу?

-Баянзүрх дүүрэгт өчигдөр 36 мянган хүнийг хамруулах ёстой байдал 51 мянган хүн хамрагдсан нь сорьц дуусах үндэслэл болсон. Өрх бүрээс нэг хүн шинжилгээнд хамрагдах ёстой байтал бүх хүн нь шинжилгээнд хамрагдсан зөрчил их гарлаа. Шинжилгээ өгсөн хүн дахин битгий өгөөрэй. Өгөөгүй хүмүүс санаа бүү зовоорой. Маргааш ч шинжилгээнд хамрагдаж болно.

---