Дэлхийн хамгийн том цахим худалдааны сүлжээ Амазоны гүйцэтгэх захирал, дэлхийн хамгийн чинээлэг эрхэм Жефф Безос ажлаа хүлээлгэж өгөхөөр болсныг эх сурвалжууд мэдээлжээ.

30 орчим жилийн өмнө гараашаасаа эхэлж байсан түүний ажил өнөөдөр дэлхийн хамгийн том сүлжээ болон өргөжсөн юм. Тэрээр гүйцэтгэх захирлын албан тушаалаас татгалзаж компанийн ерөнхий удирдлагыг гартаа авахаар болсон байна. Ингэснээр цаг хугацаа, эрч хүчээ ерөнхий удирдлага, цаашдын төлөвлөгөөнд хандуулна гэжээ.

Энэ оны сүүлээр Безосын ажлыг Амазоны компьютерын бизнесийн салбарыг удирдаж байгаа Энди Жэсси хүлээж авах юм байна. Безос мэдэгдэлдээ Амазоныг хөгжүүлэх чухал санал санаачилгыг гаргахад цаг хугацаа, эрч хүчээ зарцуулахаас гадна 1 өдөр сан, Безосын дэлхийн сан, Вашингтон пост, Блю Орижин зэрэг бусад салбарт анхаарлаа хандуулахаар төлөвлөсөн гэжээ.

Энэ жил 57 настай Безос гараашдаа цахим номын худалдааг 1994 онд эхлүүлж байсан юм. Одоо тэр 1,3 сая ажилтантай цахим худалдааны гүрний удирдагч юм. Форбесын тэрбумтнуудын жагсаалтад тэрээр 196 тэрбум ам.долларын хөрөнгөтэйгээр тэргүүлж байна. Безосын эзэнт гүрэн 2020 онд 386 тэрбум ам.долларын худалдаа хийсэн нь 2019 оныхоос 38 хувиар өссөн үзүүлэлт юм.

Эх сурвалж: ВВС

---