АНУ-ын зүүн эрэгт цасаар шуурч, онц байдал зарлав

АНУ-ын зүүн эргийн бүс нутагт хүчтэй цасан шуурга шуурсны улмаас нислэгүүдийг түр зогсоогоод барахгүй коронавирусийн эсрэг вакцинжуулах төвүүдийг хаахад хүрчээ.

Даваа гарагт Нью Жерси, Пеньсилвани мужуудад орсон хуртунадасны хэмжээ 48 см-т хүрсэн бол Нью-Йорк хотод 43 см зузаан цас орсноос хот даяар түр зосголт хийхэд хүрсэн байна. Нью-Жерси муж болон Нью-Йорк хотуудад цаг агаарын хүнд нөхцөл байдлын улмаас онц байдал зарлажээ.

Үндэсний цаг уурын газраас цасан шуурга Шинэ Английн бүс нутгийг чиглэхийг анхаарууллаа. Цасан шуурганы хүч цагт 80 км-т хүрсэн ба энэ долоо хоногийг дуустал шуурна гэж сэрэмжлүүлж байна.

Нью-Йорк хотын дарга Билл дэ Бласио даваа гарагийн 06:00 цагаас эхлэн онц шаардлагагүй арилжааны нислэгүүдийг цуцалж, мягмар гарагаас сургуулиудыг түр хаах шийдвэр гаргажээ. Нью-Йорк мужийн захирагч Эндрю Куомо Нью-Йорк хотоос гадна 40 гаруй хот, сууринд онц байдал зарласан байна. Тэрээр одоо үүсээд байгаа нөхцөл байдал нь тун аюултай, амь насанд халтай бөгөөд маш богино хугацаанд маш хурдацтай муудаж байгааг анхаарууллаа.

Мөн Нью-Жерси мужийн захирагч Филип Мерфи автобус болон галт тэрэгний хөдөлгөөнийг түр зогсоосон байна. Онцгой байдлын албаныханд хандан замуудыг хааж, аюултай нөхцөлд байгаа айл өрхүүдийг нүүлгэн шилжүүлэхийг зааварлажээ.

Нью-Арк Лайберти, Жон Кеннеди, Филадельфи зэрэг олон улсын нисэх буудлуудад 1,600 гаруй нислэгийг цуцалсан байна. Нислэгүүдийг цуцлахын зэрэгцээ Коннектикут, Нью-Жерси, Род Айрланд, Филадельфи, Вашингтоны зарим хэсэгт, Нью-Йоркийн нутаг дэвсгэрт коронавирусийн эсрэг вакцины түгээлт зогсчээ.

Эх сурвалж: ВВС