LIVE: Цахим сургалтын төлбөрийг хөнгөлөхийг оюутнууд БШУЯ-наас шаардав
Монголын оюутны эрхийг хамгаалах хөдөлгөөнөөс цахим сургалтын төлбөрийг хөнгөлөхийг шаардаж БШУЯ-ны сайдад шаардлага хүргүүлж байгаа талаар мэдээлэл хийлээ.
Монголын оюутны эрхийг хамгаалах хөдөлгөөний зохицуулагч Н.Баяраа:
-Оюутнуудыг 32 хувь нь цахим хичээлд хамрагдаж чадаагүй гэсэн судалгаа гарсан. Оюутнуудыг амар гэж явуулсан. Хөдөө орон нутгийн оюутнууд тэр бүр хичээлдээ хамрагдаж чадахгүй шүү дээ. Мөн, судалгаанд хамрагдсан оюутнуудын 41 хувьд нь цахим хичээл таалагдаагүй, хүндрэлтэй байсан гэсэн. Харин эсрэгээрээ, танхимын сургалт 93,8 хувийн үр дүнтэй гэж үзсэн.
Иймд цахим сургалтын төлбөрийг хөнгөлөх шаардлагатай гэж манай хөдөлгөөн үзэж, яаманд шаардлага хүргүүлж байна. Хөл хорио тогтоосноос болоод ажил хийж сургалтын төлбөрөө олдог оюутнууд байтугай ээж, аав нар ажил, орлогогүй байна. Гадны улс орнууд, тухайлбал, Америк, Германд оюутнуудын сургалтын төлбөрийг хөнгөлж байна. Хэрэв БШУЯ шаардлагыг хүлээн авахгүй бол бид тэмцлийн дараагийн шатандаа орно.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.