Германы эмнэлгийн агуулахаас арван чингэлэг амны хаалт хулгайлжээ
ХБНГУ-ын Зүүн Вестфали мужийн Гютерслох хотод орших эмнэлгийн агуулахаас үл таних этгээдүүд арван чингэлэг "FFP2" амны хаалт хулгайлсан болохыг орон нутгийн "Radio Guetersloh" агентлаг мэдээлжээ.
Хэрэг өнгөрөгч ням гарагаас даваа гарагт шилжих шөнө гарсан бөгөөд хулгайд алдагдсан нийт амны хаалтын үнийг тооцож үзвэл 40 мянган еврогийн хохирол учирсан байна. Гэмт хэрэгтнүүд оффисын цонхоор дамжин агуулахад орсон бөгөөд дараа нь гүйдэг хаалгыг онгойлгон, амны хаалтуудыг түрэн гаргажээ.
Одоогоор цагдаагийн алба хаагчид сэжигтнүүдийг хайсаар байгаа ба гэрчүүдийг байцааж байгаа гэнэ.
Өмнө нь тус улсын эрх баригчид эрүүл мэндийн ажилтнууддаа зориулан захиалсан зургаан сая амны хаалт нисэх онгоцны буудлаас алга болсон явдал мөн бүртгэгдэж байсан. Тэдгээр нь мөн "FFP2" төрлийн амны хаалт байсан бөгөөд нийт 241 сая еврогоор үнэлэгдэж байжээ.
Эх сурвалж: iz.ru, Reuters
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.