Гэрэл зураг сонирхогч Дерри Мороней зургаан сарын өмнө дрон худалдаж авчээ. Тэр шинэхэн авсан нисдэг биетээрээ орчин тойрноо ажиглаж эхэлсэн байна. Ингэхэд Австралийн Шинэ Өмнөд Уэльс мужид байдаг Какора нуурын мандалд тун сонирхолтой дүр зураг ажиглагджээ. Нуурын ус далайн эрэгт нийлж үзэсгэлэнт модны дүрс гаргасан байна. Өөрийн дроноор авсан зургаа цахим сүлжээнд бусадтай хуваалцахад хүмүүс зурганд нь “амьдралын мод” гэсэн нэрийг өгч, хэдэн мянгуулаа хуваалцжээ.

---