ВИДЕО: ДАШТ-ий финалд Канад, АНУ-ын хүчирхэг багууд туналаа
Шайбтай хоккейн 45 дахь удаагийн залуучуудын дэлхийн аварга шалгаруулах тэмцээний хагас шигшээ тоглолтууд явагдлаа.
Улаанбаатарын цагаар өнөө өглөө хагас шигшээ тоглолтууд явагдсан ба Канадын залуучууд ОХУ-ын багийг 5:0 харьцаатай бут ниргэсэн бол АНУ-ын баг Финландыг 4:3 харьцаагаар буулган авч шигшээ тоглолтод тунан үлдлээ.
Манай сайт АНУ, Финландын тоглолтыг шууд дамжуулан үзүүлсэн ба тус тоглолтыг ЭНД дарж үзнэ үү.
Ийнхүү финалын тоглолт маргааш буюу нэгдүгээр сарын 6-ны өглөө 10:30 цагт /Улаанбаатарын цагаар/ АНУ, Канадын гал гарсан тоглолт биднийг хүлээж байна. Манай сайт уламжлал ёсоор тус тоглолтыг шууд дамжуулан үзүүлэх болно.
Ташрамд сонирхуулахад Канадын залуучууд ДАШТ-д 18 удаа түрүүлж байсан бол АНУ-ын залуучууд дөрвөн удаа түрүүлж байлаа. Тус багууд хамгийн сүүлд 2017 онд финалд таарч байсан ба 5:4 харьцаагаар АНУ-ын баг хожил байгуулан түрүүлж байлаа.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.