Филиппин улсад ирэх жил төлөвлөөгүй 200,000 хүүхэд шинээр мэндэлнэ

Филиппин улсын Хүн амын хүрээлэнгийн их сургууль, НҮБ-ын Хүн амын сангийн хамтарсан судалгаагаар коронавируст цар тахлын хөл хориотой холбоотойгоор ирэх жил тус улсад 214,000 хүүхэд шинээр мэндэлнэ гэжээ. Энэ тоо бол урьдчилан төлөвлөөгүй нярай хүүхдүүдийнх ажээ.

Тус улсад жил тутамд 1,7 сая хүүхэд шинээр мэндэлдэг нь хэдийнээ ачааллаас хэтэрсэн тоо юм байна. Харин энэ жил цар тахалтай холбоотойгоор хөл хорио тогтоосон нь хүн амын хямралыг улам хүндрүүлж байгаа ажээ.

Нийслэл Манила хот 13 сая хүн амтай бөгөөд энэ нь км кв тутамд 70,000 гаруй хүн оногдож байна гэсэн судалгааны дүнг 2015 онд танилцуулж байжээ. Хүн ам өсөх тутамд бөөгнөрөл манилачуудын эргэн тойронд мэдрэгдэх болжээ. Автозамын түгжрэл, эмнэлэг гээд хүчин чадлаа хэтрүүлсэн газрууд олон байна.

Эх сурвалж: ВВС