57,000 жил хадгалагдсан бэлтрэгний араг яс олжээ
Канадын Юкон мужийн нутаг дэвсгэрээс мөнх цэвдэгт дарагдан 57,000 жил болсон чонын бэлтрэгний араг ясыг олсон байна. Судлаачид уг араг ясыг хамгийн олон жилийн хугацаанд бараг бүрэн бүтнээрээ хадгалагдан үлдсэн чонын олдвор болохыг баталжээ.
Нутгийн уугуул оршин суугчдын хэлээр Жүр хэмээн нэрлээд байгаа уг бэлтрэгийг Даусон хотын ойролцоо Клондик алтны судалтай газраас уурхайчин олсон байна. Бэлтрэгний арьс үс бараг бүрэн бүтэн байсан бөгөөд зөөлөн эд нь ч хадгалагдан иржээ.
Рентгений тусламжтайгаар уг бэлтрэгийг 6-7 долоо хоногтой байхдаа үхсэн гэж тооцсон байна. Мөн түүний эргэн тойронд цэнгэг устай гол горхи их байсан ба өөр олон амьтан байсан гэж таамаглажээ. Түүнчлэн гэдэс дотроос нь цэнгэг усны яргай загас, шувууны махны үлдэгдэл олдсон байна. Гарлыг нь Орос, Сибирь, Аляскийн чононы бэлтрэг байсан гэж таамаглаад байгаа юм.
Эх сурвалж: CNN
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.