БИЧЛЭГ: Худагт унасан зааныг аврах ажиллагаа 12 цаг үргэлжилжээ
Энэтхэгийн Тамил Наду мужийн өмнөд хэсгийн ойд аварга том заан гүн худагт унажээ. Зааныг аврахын тулд 12 цагийн турш өргөгч кран ашиглан аврах ажиллагааг явуулжээ.
Худгийн амсар нүхэн дээр ямар нэг төмөр тор, хаалт байгаагүй бөгөөд оронд нь мод бутаар тагласан байжээ. Өнгөрсөн жил Тамил Наду мужид хоёр ч заан гүн худагт унасан явдал тохиолджээ.
Зааныг аврахын тулд эхлээд эргэн тойронд ургасан мод бутыг цэвэрлэсэн байна. Дараа нь худагт байгаа усыг соруулж авахыг оролджээ. Гэвч заан худагт оруулсан хоолой руу дайрчээ. Эцэст нь зааныг эсэн мэнд өргөгчөөр татаж гаргаж чадсан байна.
Эх сурвалж: The Guardian
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.