Хүндэтгэх шалтгаангүй гадуур гарсан 432 иргэнийг гэрт нь буцаажээ
Хүндэтгэх шалтгаангүй гадуур гарсан 432 иргэн, есөн хүүхдийг гэрт нь буцаажээ.
“Бүх нийтийн бэлэн байдлын зэрэгт шилжүүлэх тухай” тогтоолын хэрэгжилтийг хангуулахаар 2020.11.13-ны өдрийн 06:00 цагаас 2020.11.14-ний 07:00 цагийн хооронд эргүүл хяналтын үүрэг гүйцэтгэсэн албан хаагчид 6564 иргэний явах чиглэл болон бичиг баримтыг шалгаж, хүндэтгэх шалтгаангүй 432 иргэн, бага насны есөн хүүхдийг гэр лүү нь буцааж, амны хаалт зүүгээгүй 16 иргэнд шаардлага тавьж зүүлгэсэн байна.
Мөн бичиг баримтгүй 271, согтуу тав, орон гэргүй нэг иргэнд хууль ёсны шаардлага тавьж ажиллалаа.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.