Зарим хилийн боомтын үйл ажиллагааг зогсоох асуудлыг ЗГ хэлэлцэж байна

Засгийн газар өнөөдөр /2020.10.30/ 15.00 цагт ээлжит бусаар хурал зарлаж, яг одоо хуралдаж байна. Албан бус мэдээллээр Улаанбайшинт боомтоор орж ирсэн тээврийн хоёр жолоочоос коронавирус илэрч, ойрын хавьтлуудыг тусгаарлалтад авсан байна. Тиймээс уг асуудалтай холбогдуулан яаралтай арга хэмжээ авах асуудлыг хэлэлцэх юм байна.

Засгийн газрын хуралдаанаар зарим боомтуудыг яаралтай хаах шийдвэр гаргаж магадгүй гэсэн таамаг байна. 2005 онд Баян-Өлгий аймгийн Ногооннуур сумын IX багийн нутаг Улаанбайшинт нэртэй газарт шилжин байрласан. ОХУ-тай хилийн боомтын асуудлаар байгуулсан хэлэлцээрийн дагуу олон улсын шинжтэй, байнгын ажиллагаатай боомт юм.

Тун удахгүй манай групп Төрийн ордноос мэдээллийг шууд дамжуулан хүргэнэ.