ТАНИЛЦ: Ирэх сард хийх 10 удаагийн тусгай үүргийн нислэгийн хуваарь
Улсын Онцгой комиссын өнөөдрийн хуралдаанаар ирэх сард үйлдэх тусгай үүргийн нислэгийн урьдчилсан хуваарийг танилцуулав. Энэ талаар ГХЯ-ны Консулын газрын захирал Л.Мөнхтүшиг "Ирэх сард нийт 10 удаагийн тусгай үүргийн нислэг хийхээр төлөвлөсөн. Үүнээс зургаан удаа БНСУ руу үйлдэнэ. Мөн европ тивд байгаа иргэдээ авчрах зорилгоор Франкфурт руу нэг удаа нислэг хийнэ.
Түүнчлэн Япон улсад оршин суух зөвшөөрлөө авсан иргэдийг шат дараатай хүргэх зорилгоор Токио хот руу хоёр удаа, Казахстан улсад байгаа иргэдийг эх оронд нь авчрахаар нэг удаа нислэг хийх урьдчилсан хуваарь гарсан. Өнгөрсөн хугацаанд 98 удаа тусгай үүргийн нислэг үйлдэж 19,519 иргэнийг эх оронд нь авчирсан" гэлээ.
Хил хаагдсанаас хойш буюу 2020 оны нэгдүгээр сарын 28-наас хойш 26,100 иргэнийг авто болон агаарын замаар авчраад байгаа юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.