Зам тээврийн ослын улмаас 16 гэмтэж, есөн хүн нас баржээ

Өнгөрсөн амралтын өдрүүдэд зам тээврийн ослын шинжтэй 481 дуудлага мэдээллийг хүлээн авч шийдвэрлэж ажиллажээ. Ослын улмаас 16 хүн гэмтсэний 5 нь хүүхэд байна. Ноцтой зам тээврийн ослын улмаас нийслэлд 3,  орон нутагт 6 хүний амь нас хохирсон байна.

2020.10.24-ний өдрийн 17:05 цагийн орчимд  ХУД-н 21 дүгээр хороо  Айдсын давааны зам, Амгалан хотхоны урд задгай хашаанд хувийн эзэмшлийн  HJ30 маркийн автомашин нь өнхөрч хашаанд тоглож байсан 5 настай, эрэгтэй И,  7 настай, эрэгтэй Э нарын 2 хүүхэд гэмтсэн.

 Нийт хүн гэмтсэн дуудлага мэдээллийг хэлбэрээр нь авч үзвэл:

• Явган зорчигч мөргөх хэлбэрээр-2
• Мөргөлдөх хэлбэрээр-2
• Онхолдох хэлбэрээр-3
• Өнхрөх хэлбэрээр -1 тус тус бүртгэгдсэн  байна.

Ноцтой зам тээврийн ослуудаас дурдвал:

2020.10.24-ний 04 цагийн орчим Сэлэнгэ аймаг Цагааннуур сумын 1 дүгээр багийн нутаг “Оргихын ар” гэх газар /сумын төвөөс баруун урд зүгт 30км/ шороон замд Toyota Corolla Д жолоочтой автомашин онхолдож, зорчигч 42 настай, эрэгтэй, Б,  42 настай, эрэгтэй, П нарын 2 хүний амь нас хохирсон.

2020.10.24-ны 16 цагийн орчим Өвөрхангай аймаг Баруунбаян-Улаан сумын 4-р баг Бумбат хороолол 1 дүгээр гудамжны үзүүрт /сумын төвд/ шороон замд улсын дугааргүй GH Gold А жолоочтой мотоцикл онхолдож, жолооч 29 настай, эрэгтэй А нас барсан .

2020.10.25-ны 02.30 минутын орчим Өмнөговь аймгийн Цогтцэций сум “Нүүрс тээврийн хатуу хучилттай замын 2 дахь км” асфальтан замд Howo маркийн О жолоочтой автомашин North Benz маркийн Д жолоочтой автомашинтай мөргөлдөж, 39 настай, эрэгтэй, О-н амь нас хохирсон.

2020.10.24-ний өдрийн 20.14 цагийн орчимд СХД-н 3 дугаар хороо Их нарангийн зам, Арвайн үндэс ХХК-ийн хойд замд Nissan Note автомашины жолооч Х нь явган зорчигч нэр, хаяг тодорхойгүй 40-50 орчим насны эрэгтэйг мөргөж амь насыг нь хохироосон.

2020.10.25-ны өдрийн 14.25 цагийн орчимд СХД-н 32 дугаар хороо Эмээлтийн зам, “Шунхлай” шатахуун түгээх станцын зүүн замд Zoomlion автомашины жолооч Ч нь Hyundai Porter У,  Hyundai Porter Н, Toyota Prius М, Hyundai Accent  Б,  Volvo FH-480 О жолоочтой автомашинуудтай мөргөлдөж, жолооч 58настай, эрэгтэй Ч, зорчигч 31 настай, эмэгтэй Б нарын 2 хүний амь нас хохирч,  6 хүн гэмтсэн байна.

2020.10.25-ны 15.30 цагийн орчим Хэнтий аймаг Цэнхэр мандал сумын 3 дугаар багийн нутаг “Хонгорын талын адаг” гэх газар /сумын төвөөс баруун урд зүгт 30км/ шороон замд ЗИЛ-131 маркийн улсын дугаар тодорхойгүй автомашины жолооч Б Nissan X-Trail Б жолоочтой автомашинтай мөргөлдөж жолооч 34 настай, эрэгтэй М, зорчигч 37 настай, эрэгтэй З нарын 2 хүний амь  нас хохирсон.

 Согтуугаар тээврийн хэрэгсэл жолоодсон 89 жолоочийг илрүүлж ажилласан байна. Мөн давуу эрх бүхий явган зорчигчид гарц нь дээр зам тавьж өгөөгүй 256 жолоочийг МУ-ын ЗТХ-ийн 14.7.38-д заасны дагуу хариуцлага тооцож ажилласан байна.

Жолооч та өөрийн болон бусдын амь нас, эрүүл, мэнд, эд хөрөнгийг болзошгүй эрсдэлээс хамгаалж зуны дугуйгаа өвлийн дугуйгаар сольж хөдөлгөөнд оролцохыг анхааруулж байна.