"The Medicine Buddha" кино дэлхийгээр аялах нь ээ

Манба Дацан МУЭСТ-ийн Хамба лам, хүний гавьяат эмч Д.Нацагдоржийн тухай өгүүлсэн найруулагч Бенжамин Жонсын найруулсан "The Medicine Buddha" баримтат кино Монголын Үндэсний Кино Урлагийн Академийн "Академи авардс-2018" наадмын "Шилдэг баримтат кино"-гоор шалгарсан юм. Энэхүү бүтээлийг цаашид олон кино наадамд өрсөлдүүлэх төлөвлөгөөтэй байгаа гэнэ. Монголын уламжлалт анагаах ухаан болоод түүх, шашин соёл, өнөөгийн Монголын талаар дэлхий дахинд таниулах чухал ач холбогдолтой "The Medicine Buddha" кино дэлхийгээр аялахаар болжээ.

Сонирхуулахад Манба Дацан МУЭСТ өвлийн тэргүүн сарын шинийн 15-ны билэгт сайн өдөр (2018 он 11 сарын 23) нийт ажилтнуудад зориулсан Чийрэгжүүлэлтийн танхим нээлээ. Тус хийдийн лам нарын санаачилга, Хамба лам Д.Нацагдоржийн дэмжлэгтэйгээр Чийрэгжүүлэлтийн танхимыг шаардлагатай бүхий л фитнессийн хэрэглэл, төхөөрөмжөөр тохижуулжээ. 

Чийрэгжүүлэлтийн бүхий л дасгалуудыг хийх боломжтойгоос гадна үндэсний бөхийн бэлтгэл базааж болох аж. Цаашид тус танхимын үйл ажилллагааг өргөжүүлж, фитнессийн хэрэгслүүдийг нэмэн стандартын фитнесс танхим болгон ажиллуулах юм.