Өнгөрсөн долоо хоногт УИХ-ын гишүүн  Ж.Мөнхбат "Миний бие УИХ-ын гишүүнийхээ бүрэн эрхийн хүрээнд өөрийнхөө бланкан дээр УИХ-ыг тараах гишүүдийн гарын үсгийг цуглуулж эхэлнэ" гэж мэдэгдсэн. Харин түүний дараахан түүний хэвлэл мэдээлэл хариуцсан зөвлөх Т.Зөнбилэгийг гэртээ орох гэж явахад нь хүн халдаж, хүнд гэмтэл учруулсан талаар гишүүн Ж.Мөнхбат гишүүн мөн мэдэгдээд байсан билээ. Тэрбээр энэ халдлага албан тушаал, эрх мэдлийн төлөөх ажиллагаа гэж үзэж байгаагаа илэрхийлсэн юм.

Ж.Мөнхбат гишүүн Засгийн газартайгаа ч хариуцлага тооцож чаддагүй УИХ тарах ёстой гэж үзэж байна

Харин өнөөдөр тэрбээр дахин мэдээлэл хийж УИХ-ыг тараах тогтоолын төслийг албан бланкан дээрээ бичээд гарын үсгээ цуглуулж эхэлсэн гэдгээ онцоллоо. Түүний саналыг УИХ дахь МАН-ын бүлгийн гишүүд болох Ж.Бат-Эрдэнэ, Ё.Баатарбилэг нарын хэд хэдэн гишүүд дэмжихээ илэрхийлсэн гэдгийг ч хэллээ. Өөрөөр хэлбэл Ж.Мөнхбат гишүүн Засгийн газартайгаа ч хариуцлага тооцож чаддагүй УИХ тарах ёстой гэж үзэж байгаа юм байна.

---