Монгол улс антибиотикийн хэрэглээгээр дэлхийд тэргүүлж байна
Дэлхийн эрүүл мэндийн байгууллагын судалгаагаар зарим оронд антибиотик хэрэглээ нэн аюултай түвшинд хүрсэн гэжээ.
Газар дундын тэнгисийн өмнөд хэсэгт антибиотик үхэл таригч тахлын хэмжээнд хүрсэн байна.
Европ тивд антибиотик хамгийн их хэрэглэдэг улс орноор Туркийг нэрлэжээ.
Харин дэлхийд Монгол улс антибиотик хэрэглээгээр тэргүүлж байна гэлээ.
Нидерланд улсад 1,000 өвчтөн тутамд 9 нь антибиотикийг жорын дагуу өдөр бүр хэрэглэдэг бол Туркэд 38, Монголд мянган хүн тутмын 64 нь антибиотикийг өдөр бүр хэрэглэдэг гэж Дэлхийн эрүүл мэндийн байгууллагаас мэдээлэв.
Антибиотикийг 1920-оод оны үед нээн илрүүлж байжээ. Бактерийн гаралтай менингит, уушгины хатгаа, сүрьеэ өвчин туссан олон сая хүний амийг аварсан.
Гэвч ойрын жилүүдэд нян бактери антибиотикийн эсрэг тэмцэх болж, яг адилхан урвал үзүүлэх болжээ.
Тиймээс Дэлхийн эрүүл мэндийн байгууллага дэлхийн нийтэд антибиотикийн нөлөөг устгаж, хэрэглээг бууруулахыг удаа дарааллан анхааруулаад байна.
Антибиотикийн зүй бус хэрэглээ нянгийн эсрэг үйлчилгээ үзүүлэх бус нянг антибиотикийн эсрэг эсэргүүцэх чадвартай болгодог. Хэрэв тэгвэл бид үрэвсэл, хатгалгаа зэрэг өвчнийг эмчлэх боломжоо алдана гэжээ.
Шаардлагагүй тохиолдолд антибиотик хэрэглэх, хэтрүүлэн хэрэглэхийг нэн даруй зогсоох шаардлагатай гэж Дэлхийн эрүүл мэндийн байгууллага уриалж байна.
Манай улсын хувьд ханиад хүрэх, хоолой өвдөх төдийд антибиотик хэрэглэхийг илүүд үздэг хүн цөөнгүй. Эрүүл мэндийн яамнаас энэ төрлийн эмийн зохистой хэрэглээг улс орон даяар уриалсаар байна.
Эх сурвалж: www.dailysabah.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.