"ТАШКЕНТ-2018" гран при тэмцээнд өнөөдөр барилдах манай бөхчүүдийн оноолт, тайлбар
Узбекистан улсын Ташкент хотноо жүдо бөхийн "Ташкент 2018" гран при тэмцээн тун өрсөлдөөнтэй явагдаж байна.
Өнөөдөр барилдах жингүүд болон хуваарь:/11-р сарын 10/
14.00 Тойргын барилдаан: Эрэгтэй - 73, 81кг; эмэгтэй - 63, 70кг.
20.00 Финал: Эрэгтэй - 73, 81кг; эмэгтэй - 63, 70кг.
Манай улсаас өнөөдөр эрэгтэйчүүдийн 73 кг-ийн жинд С.Чинзориг, 81 кг-д Н.Дагвасүрэн, эмэгтэйчүүдийн 63 кг-д Б.Мөнгөнчимэг, Б.Ганхайч нарын дѳрвѳн бөх барилдах хуваарьтай байна.
Эрэгтэйчүүдийн -73кг жинд маш олон өрсөлдөгчид буюу нийт 40 тамирчин хүч үзэхээс манай тамирчин С.Чинзоригийн хувьд эхний тойрогт Швейцарь улсын тамирчин Матт Наимтай барилдах юм.
Эрэгтэйчүүдийн -81кг жингийн хувьд мөн л олон тооны бөхчүүд барилдаж байгаа ба 36 бөх өнөөдөр зодоглох юм. Манай тамирчин Н.Дагвасүрэнгийн хувьд эхний тойрогт гоц мөргөж хоёрдугаар тойрогт Испани улсын тамирчин Мендиола Изкуэта-тай барилдахаар байна. Н.Дагвасүрэн 2017 оны Ташкентийн гран при тэмцээнд мөнгөн медаль хүртэж байсан юм.
Эмэгтэйчүүдийн -63кг жингийн хувьд манай Б.Мөнгөнчимэг эхний тойрогт гоц мөргөсөн бол Б.Ганхайч эхний тойрогт Румын улсын тамирчин Добре Стэфани Аделинатай барилдах хуваарьтай байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.