Б.Батзоригийн бүрэн эрхийг түдгэлзүүлэх шаардлагагүй гэж УИХ үзлээ

УИХ-ын өнөөдрийн чуулганаар Б.Батзориг гишүүний бүрэн эрхийг УЕПГ-аас ирүүлсэн албан тоотын дагуу түдгэлзүүлж, хууль хяналтын байгууллагаар шалгуулах хүсэлтийг чуулганд оролцсон УИХ-ын гишүүдийн 86.8 хувийн саналаар түдгэлзүүлэх шаардлагагүй гэж дөнгөж сая үзлээ. 

Прокурорын байгууллагаас ирүүлсэн албан бичигт УИХ-ын гишүүнээс түдгэлзүүлж шалгах шаардлага үүссэн тухай дурдсан байгаа нь ХХААХҮЯ-ны Төрийн нарийн бичгийн дарга Д.Энхбат, ЖДҮХС-ийн Гүйцэтгэх захирал С.Төгбилэг болон тус сангийн Ерөнхий нягтлан, бичиг хэргийн ажилтан нарыг АТГ-аас саатуулж, мэдүүлэг авсан холбоотой гэж эх сурвалж мэдээллээ. Өчигдөр өглөө "Чингис хаан" нисэх онгоцны буудалд буусан тус сангийн хэлтсийн дарга Баасанжав, ахлах мэргэжилтэн Мөнхтулга нарыг мөн саатуулсан нь УИХ-ын Б.Батзоригийг шалгах хангалттай үндэслэл гэв.