ВИДЕО: Ф.Мэйвэйдер мэргэжлийн боксоос зодог тайлж шоу бизнест "МӨНГӨ ХИЙЖ" эхэллээ

Мэргэжлийн боксын домогт тамирчин Ф.Мэйвэйдер спортын замналдаа нийт 50 тулаан хийж нэг ч ялагдалгүй 50 ялалт байгуулсан юм. Энэхүү 50 ялалтаас 27-д нь өрсөлдөгчөө хугацаанаас өмнө хүнд цохилтоор буулган авсан байдаг. 

Тэрээр 2017 онд холимог тулааны од Конор МкГрегортой тулалдан ялалт байгуулсныхаа дараа зодог тайлж буйгаа албан ёсоор мэдэгдсэн билээ. Үнэндээ түүний мэргэжлийн боксын рингэнд хийсэн хамгийн сүүлчийн албан ёсны тулаан нь 2015 оны 9 сард Андре Берто-той хийсэн тулаан байсан юм. Учир юу гэвэл 2017 оны 8 сард холимог тулааны тамирчин Конор МкГрегортой хэдийгээр мэргэжлийн боксын дүрмээр боксын рингэнд тулалдан ялалт байгуулсан хэдий ч уг тулааныг мэргэжилтнүүд мэргэжлийн боксын тулаан гэхээсээ илүүтэйгээр шоу энтертайнмент тулаан болсон гэж дүгнэсэн юм. Уг тулааны үр дүнд Ф.Мэйвэйдер 300 сая долларын шагнал хүртэж хамгийн их орлого олсон 100 тамирчны жагсаалтыг тэргүүлсэн юм. Тэр цагаас хойш түүнийг "Мөнгө" хочит Мэйвэйдер хэмээн нэрийдэх болсон байна.

2017 онд холимог тулааны од Конор МкГрегортой тулалдсан тулааны бичлэг:

Тэрээр мэргэжлийн бокст тулалдаж эхлэхээсээ өмнө сонирхогчийн боксоор ч чамгүй ажилтыг үзүүлж байсан ба 1996 оны Олимпийн их наадамд хүрэл медаль хүртсэн байдаг.

Түүнийг боксын мэргэжлийн байгууллагууд дараах байдлаар үнэлжээ:

• Боксын гол сэтгүүлүүдийн нэг болох The Ring сэтгүүлийн оны шилдэг тулаанч шагналыг хоёр удаа хүртсэн. (1998 болон 2007 онуудад)
• Боксын сэтгүүлчдийн холбооноос түүнийг гурван удаа оны шилдэг тулаанчаар өргөмжилсөн. (2007, 2013, 2015 онуудад)
• Мэргэжлийн боксын www.boxrec.com сайтаас түүнийг дунд жингийн бүх цаг үеийн хамгийн шилдэг боксчин хэмээн зарласан.  

Ф.Мэйвэйдерийн хамгийн шилдэг тулаануудын нэг бол яах аргагүй домогт тамирчин Филлипиний Мани Пакьютай хийсэн тулаан юм. Уг тулааныг тухайн үед Зууны супер тулаан хэмээн нэрийдэж тулааны тасалбар 20.000 ам.доллар хүртэл өсөж байлаа. 

2015 онд Филлипиний Мани Пакью-тай хийсэн тулааны бичлэг: 

Өдгөө 41 настай Ф.Мэйвэйдер энэ оны 12 сарын 31-ний өдөр буюу он солигдох мөчид Японы кикбоксын залуу од Т.Насүкаватай тулалдах болсон талаараа хэвлэлийн хурал зарлан мэдэгдлээ.  

Чухам ямар төрлөөр тулалдах талаараа жич зарлахаа мэдэгдсэн даруйд спортын мэргэжилтүүд Мөнгө хочит Ф.Мэйвэйдер мөнгөний шоу хийж байна хэмээн дүгнэж шоу бизнест эргэлт буцалтгүй орсоныг нь зарлаж байна. 

Хоёр тулаанчын тулааны сурталчилгаа явагдаад эхэлсэн байна.