Засгийн дахин хоёр сайд ЖДҮ-ийн зээлд холбогдсон уу

УИХ дахь МАН-ын бүлгийн өнгөрсөн долоо хоногийн хуралдаан нэлээд ширүүн өрнөсөн талаар зарим мэдээллийн хэрэгслээр мэдээлсэн. Бүлгийн хурал дээр УИХ-ын гишүүн Ж.Ганбаатар болон Ерөнхий сайд нарын хооронд “толхилцоон” болсныг ч бид өмнөх нийтлэл та бүхэндээ хүргэсэн. Ерөнхий сайд үүнд ихэд эмзэглэсэн мэдээлэл бий. Үүнээс өмнө Ж.Мөнхбат гишүүнтэй чуулган дээр том дуугаар хэрэлдсэн нь цагаан дээр хараар үлдээд байгаа тул хоёр дахь удаагаа ийн “хуц уль”-даа тулсан нь олон хүнийг гайхшруулаад байгаа.

Засгийн газрын хоёр сайд, нэлээд хэдэн гишүүн, мөн өндөр албан тушаалын хэд хэдэн хүн холбогдоод байгаа. Сайдын нарын нэгийг нь шахаж байгаад ажлыг нь өгүүлсэн. Зам тээвэр, хөгжлийн сайд Я.Содбаатарыг Ерөнхий сайд сугалж авч үлдээд байгаад хүмүүс бухимдалтай байгаа

Өнгөрсөн долоо хоногийн бүлгийн хуралдаан дээр яригдаж, Ерөнхий сайдыг бухимдуулсан нэг асуудал мэдээж Жижиг дунд үйлдвэрлэлийн зээл. Засгийн газрын хоёр сайд, нэлээд хэдэн гишүүн, мөн өндөр албан тушаалын хэд хэдэн хүн холбогдоод байгаа. Сайдын нарын нэгийг нь шахаж байгаад ажлыг нь өгүүлсэн. Зам тээвэр, хөгжлийн сайд Я.Содбаатарыг Ерөнхий сайд сугалж авч үлдээд байгаад хүмүүс бухимдалтай байгаа.

Гэтэл энэхүү бүлгийн хурал дээр Эрчим хүчний сайд Ц.Даваасүрэн, Нийгмийн хамгаалал хөдөлмөрийн сайд Н.Чинзориг хоёрын хэнийг нь явуулах вэ гэдэг асуудлыг хэлэлцсэн гэж эх сурвалж мэдээллээ. Эх сурвалжийн мэдээлж байгаагаар тус хоёр сайд жижиг дундын зээлтэй ямар нэгэн байдлаар холбогдсон. Энэ нь Сангийн яамны шалгалтаар илэрсэн гэсэн "бор шувуу" байна. Хэрэв энэ нь үнэн бол тус хоёр сайдын хувь заяа бусад сайд нарын хамтаар хүндхэн байдалд орох нь. Үйл явдлын өрнөл энэ долоо хоногт өрнөж, ирэх долоо хоногт үнэн, худал нь тайлагдана гэсэн мэдээлэл байна.