Хувцас индүүдэх нь сэтгэл санааг тайвшруулдаг
Хувцасаа индүүдэж өмсөх нь нэг талдаа эрүүл ахуйд тустай ч нөгөө талдаа сэтгэл санааг тайвшруулж, аливааг эргэцүүлэн бодох боломж олгодог гэдгийг та мэдэх үү?
Уран бүтээлч Майра Калман хувцас индүүдэж байхад бясалгал хийх боломж олддог тул тун дуртай ажлуудынх нь нэг гэнэ.
69 настай тэрээр хүүхдийн номын зохиолч гэдгээрээ дэлхийд алдартай.
Хатагтай Майра ярихдаа “халуун, уур нь савссан индүүг зөөлөн гулгуулж, үрчийсэн гадаргууг тэнийлгэхэд маш гайхалтай мэдрэмж төрдөг” гэжээ.
Майра Калман энэ зуршлаа ээжээсээ өвөлж үлдсэн байна.
Өөрийн зохиол бүтээлдээ ч ягштал индүүдэж, цэвэрхэн хураасан хувцас ханын шүүгээг нь хэрхэн чимдэг, цэгцтэй цэмцгэр байдал сэтгэлд хичнээн таатай мэдрэмж өгдөг талаар дурддаг аж.
2017 онд Их Британи улсад хийсэн судалгаагаар иргэдийн ихэнх нь хувцас индүүдэх дургүй гэнэ.
Иргэд үрчгэр хувцасаа уураар тэнийлгэж өмсөх нь ган төмөр ултай индүү ашиглахаас илүү хялбар гэж үздэг байна.
Эх сурвалж: www.qz.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.