Ээжүүд дараагийн ургаа тээхэд жил хүлээхэд хангалттай
Дэлхийн эрүүл мэндийн байгууллагын баримталдаг дүрэм журмын дагуу эхчүүд ураг тээх хоорондын хугацаа жил хагасаас илүү байх ёстой гэж үздэг.
Харин сүүлийн үеийн судалгаагаар энэ хугацааг хагас жилээр багасгаж, жил байхад л хангалттай гэжээ.
Эхний хүүхдээ гаргаж дараагийн хүүхдээ олохын тулд жил хүлээхэд эх, ургийн эрүүл мэндийн эрсдэл буурсан байдаг аж.
Харин жилээс бага хугацаанд дахин ураг тээвэл хугацаанаасаа өмнө төрөх, дунджаас жижиг ураг тээх ба нярайн эндэгдэл үүсэх эрсдэл нэмэгддэг байна.
Судалгааг ахалсан Канадын эмч Венди Норманы үзэж байгаагаар “ураг тээх хоорондын хугацаа жил байх боломжтой гэдэг нь 35-аас дээш насны хожуу гэр бүл зохиож байгаа эмэгтэйчүүдэд тун таатай мэдээ юм. Учир нь тэд хожуу гэр бүл төлөвлөсөн учир ойр ойрхон хүүхдүүдээ гаргах сонирхолтой байдаг” гэжээ.
Уг судалгааг Канадын 150,000 төрөлтийн түүхэн дээр үндэслэн хийжээ. Ихэнх эхчүүдийн төрөлтүүд хоорондоо жил хоёр сараас жил хагас хүртэл хугацааны зайтай байсан байна.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.