Нэргүй нисэх буудал номер нэг болохыг зорьж байна

Туркийн Истанбул хотын шинэ нисэх буудал өнөөдөр нээлтээ хийлээ. Одоогоор цөөн нислэг товлосон ч удахгүй зорчигчдын хүсэл шаардлагад нийцсэн, дэлхийн хамгийн том нисэх буудал болох зорилго тавьжээ.

Гэвч дэлхийн хамгийн завгүй нисэх буудал болохоор төлөвлөсөн обьектод нэр өгөөгүй байна.

Истанбулын шинэ нисэх буудал гэж гадны хэвлэлүүдэд томьёолжээ. Шинэ нисэх буудал өнөөдрөөс Туркиш Эйрлайнсын орон нутгийн нислэгээр нээлтээ хийсэн байна.

Оны төгсгөл гэхэд Истанбулын Ататурк нисэх буудлыг шинэ обьект руу нүүлгэхээр төлөвлөжээ.

Нэргүй ч гэсэн номер нэг байхыг зорьсон нисэх буудал жилдээ 90 сая зорчигчид үйлчлэх 114 хаалгатай юм байна.

Хоёр жилийн дараа гэхэд жилд 100 сая зорчигч тээвэрлэж “100 клуб” нисэх буудлуудын жагсаалтанд орно гэжээ. Уг жагсаалтад жилд 100 саяас дээш зорчигч тээвэрлэдэг дэлхийн хамгийн завгүй нисэх буудлууд багтдаг байна.

Өнгөрсөн жил АНУ-ын Атланта мужийн Хартсфийлд-Жэксон олон улсын нисэх буудал 104 сая зорчигч тээвэрлэж жагсаалтад оржээ.

Энэ жил Бээжин, Дубай хотуудын олон улсын нисэх буудлууд жагсаалтад багтахад тун ойрхон байгаа гэнэ.

Харин 2028 онд Истанбулын шинэ нисэх буудал 200 сая зорчигч тээвэрлэх хүчин чадалтай дэлхийн шилдэг байгууламж болно гэжээ.

Дэлхийн гурван тив рүү гурван цагийн хугацаатай нислэг үйлдэж, 60 нийслэл, 120 улс руу нислэг хийдэг болохоор төлөвлөсөн байна.

Эх сурвалж: www.qz.com