Өнгөрсөн долоо хоногт Шри Ланкад улс төрийн эмх замбараагүй байдал газар авч Ерөнхийлөгч Майтрипала Сирисена Засгийн газрын танхимаа тараан, Парламентыг түдгэлзүүлсэн.

Өмнө нь Ерөнхийлөгч байж байгаад огцорсон Махинда Ражапаксаг шинэ Ерөнхий сайдаар томилсон байна.

Ерөнхийлөгч Сирисенагийн энэ үйлдлийг бусад улс төрчид Үндсэн хуулийг зөрчсөн, хууль бус үйлдэл хэмээн шүүмжлэн буруушаажээ.

Огцорсон Ерөнхий сайд Ранил Викрамасингх Ерөнхийлөгчийн зарлигийг дагаж огцрохоос таталзаж, Засгийн газрын танхимыг орхихгүй гэжээ.

Парламентаар түүнийг огцруулах эсэх талаар санал хураалт явуулах хүртэл эсэргүүцнэ гэдгээ мэдэгдсэн байна.

Энэ хооронд Шри Ланкын газрын тосны сайдын албан тушаалаас огцорсон Аруна Ранатунгагийн ажлын байрны гадаа иргэд эсэргүүцлийн жагсаал зохион байгуулсан байна.

Жагсагчид түүнийг албан газарт нь оруулахгүй гэж замыг нь хаах үед бие хамгаалагч нь гал нээж 34 настай эрэгтэйг шархдуулжээ.

Шархадсан иргэнд эмнэлгийн тусламж үзүүлсэн ч амиа алдсан байна.

Гал нээсэн бие хамгаалагчийг баривчлан саатуулсан ба мөрдөн шалгах ажлыг эхлүүлжээ.

Эх сурвалж: www.bbc.com

---