Урлагаар эмчилдэг жор олгоно
Канадын Монреаль хотод аливаа өвчнийг урлагаар эмчлэх жор олгодог болох гэнэ.
Эмч нар өвчтнүүддээ Монреаль хотын урлагийн музейг үнэгүй үзэх жор бичиж өгснөөр урлагийн бүтээлээр эмчилнэ гэжээ.
Уран бүтээлийн гайхамшгийг сонирхсон өвчтнүүд амарч, сэтгэл санаагаа сэргээж, амсхийх боломжтой.
Энэ төрлийн санаачилга дэлхийд бараг байхгүй гэж эмч нар ярьж байна. 11 дүгээр сарын нэгний өдрөөс өвчтнүүдэд музейн хөнгөлөлт, эмчилгээг үзүүлж эхэлнэ.
Музейн дарга Натали Бондил "урлагтай танилцсанаар өвчтнүүдийн амьдралын идэвх сайжирч, эрүүл мэндэд нь тустай" гэжээ.
"Санаачилга амжилттай хэрэгжиж, өвчтнүүдийн эрүүл мэнд сайжирвал дэлхий даяараа урлагаар эмчлэх саналыг уриална" гэлээ.
Тус музей урлагийн эмчилгээний тусгай хөтөлбөр хэрэгжүүлэхээр төлөвлөжээ.
"Өвчтнүүдээс гадна эмч нарт ч шинэ туршлага болно" гэж музейн дарга Бондил хэлж байна.
Канадын эмч нар хүний бие махбод урлагийн таашаал эдэлснээр эрүүл мэндэд сайнаар нөлөөлдөг гэж тайлбарлажээ.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.