- Нүүр
- Улс төр
- Видео мэдээ
- Чуулган
- Нийгэм
- Хууль эрх зүй
- Соёл урлаг
- Хэрэг зөрчил
- LIVETV CONTENT
- Бусад категори
Дэлхийн анхны арилжааны вирусийн эсрэг программ хангамж "McAfee"-гийн үүсгэн байгуулагч, кибер аюулгүй байдлын салбарын анхдагч Жон МакАфи АНУ-д татвараас зайлсхийсэн хэргээр Испанид баривчлагдсан гэж Вашингтоны Хууль зүйн яам мэдээлжээ.
Прокурорууд түүнийг 2014-2018 оны хооронд АНУ-ын татварын тайлан мэдүүлгээ өгөөгүй, үл хөдлөх хөрөнгө, тээврийн хэрэгсэл, дарвуулт онгоц зэрэг хөрөнгөө бусдын нэр дээр бүртгүүлэн, улсаас нуусан гэж буруутгаж байгаа аж.
МакАфи криптовалютын бизнес эрхлэн, яриа лекцэд оролцон, компаниудад зөвлөгөө өгөөд зогсолгүй амьдралынх нь түүхээр баримтат кино хийх эрхийг зарах зэрэг аргаар олон сая доллар олсон хэдий ч татварын тайлангаа огт гаргаагүй байна. Тэрээр орлогоо бусдын нэр дээр байдаг дансаар дамжуулан хүлээн авдаг байсан гэнэ.
Хэрэв шүүхээс түүнийг татвараас зайлсхийсэн хэрэгт буруутай гэж үзвэл МакАфи тав хүртэлх жилээр хорих ял сонсох бөгөөд татварын мэдүүлгээ өгөөгүй гэдэг нь тогтоогдвол дахиад нэг жилийн хорих ялаар шийтгүүлэх юм.
МакАфи өөрийн нэрээр нэрлэсэн "McAfee Associates" программ хангамжийн компаниа 1987 онд байгуулж байсан бөгөөд 2010 онд "Intel" корпорац уг компанийг 7,7 тэрбум ам.доллароор худалдаж авч байсан билээ.
Эх сурвалж: Al Jazeera
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.