Франц, Италид их хэмжээний үер бууж, хоёр хүн амиа алджээ
Франц, Итали хоёр орны хил орчмын бүс нутгуудад хүчтэй аадар бороо орж, их хэмжээний үер буусны улмаас хоёр хүн нас барж, есөн хүн сураггүй алга болжээ. Мөн авто замууд болон 100 орчим барилга байшин үерийн усанд урсаж, эвдэрч гэмтсэн байна.
"Алекс" нэртэй хар шуурга Францын Ниc хотын эргэн тойрны хэд хэдэн тосгоныг дайран өнгөрч, сүйтгэсэн байна. Хотын дарга Кристиан Эстросигийн хэлснээр энэ нь тус бүс нутагт сүүлийн зуун жилийн туршид тохиосон хамгийн том үерийн гамшиг аж.
Францад дор хаяж найман хүн сураггүй алга болсон гэж эрх баригчид мэдэгдсэн. Харин Италид хоёр хүн нас барсан бөгөөд тэдний нэг нь унаж байсан модонд дарагдсан гал сөнөөгч гэж орон нутгийн хэвлэл мэдээлсэн юм.
Хур тунадасны дээд хэмжээ Италийн Пиедмонт мужид бүртгэгдсэн бөгөөд мэргэжилтнүүд 24 цагийн дотор 630 мм хур тунадас орсныг тогтоосон байна. Түүнчлэн Италийн хамгийн урт По голын усны түвшин ердөө 24 цагийн дотор 3 метр өссөн гэнэ.
Эх сурвалж: CNN
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.