LIVE: Н.Энхжаргал: Залуу багш нартаа хамгийн чухал захидаг зүйл бол ялгаварлан гадуурхалтгүй хамт олон бий болгох

Олон улсын багш нарын баярын 25 дахь, Монголын багш нарын 55 дахь ойн өдөр өнөөдөр тохиож байна. Үүнтэй холбоотой манай сурвалжлах баг баатар хот Москвагийн нэрэмжит улсын тэргүүний 33-р сургуулийн багш Н.Энхжаргалын ажлын арга туршлагаас хуваалцлаа.

Н.Энхжаргал багш 37 жил  монгол хэлбичиг, уран зохиолын хичээлийг хүүхэд багачуудад сургах ажил хийж байна. Тэрбээр тавдахь төгсөлтийн хүүхдүүдээ өнөөдөр амьдралд гаргахад нь бэлдэж байна. Түүний хувьд 37 жилийн турш ажиллахдаа 2000 гаруй шавь төрүүлжээ. 

Сурагчдын хоёрдахь гэр болсон сургууль дээр бие дааж сургахыг голчлон үздэгээ Н.Энхжаргал багш хэлж байна. Сурагчдийнхаа найз нь зөвлөх нь, сэтгэл зүйч нь болж ажилладаг байна.

Олон улсад нэг багшид 18 хүүхэд ноогдохыг хэвийн үзүүлэлт гэж үздэг бол манай улсад нэг багшид 30,6 хүүхэд оногддог гэж үзжээ. Багш зургаан цаг хичээл заах хуваарьтай боловч статистик судалгаагаар нэг багш хоногт 11 цаг ажиллаж байгаа. 2019 оны судалгаанд 30,4 мянган багш ЕБС-иудад ажиллаж байгаа. Дундаж цалин 800,000 орчин төгрөг байгаа юм.