LIVE: Дорноговь аймагт цацрагаас үүдсэн хордлого, аюул, ургийн гажиг байхгүйг тогтоожээ
Дорноговь аймгийн Улаанбадрах сумын нутагт лиценз эзэмшигч "Бадрах энержи" компанийн үйл ажиллагаа, хүн малын эрүүл мэнд, байгаль орчинд үзүүлж буй нөлөөлөлд ЗГХЭГ, БОАЖЯ, ЦЭГ, МХГ, Мал эмнэлгийн газар, АМГТГ, ТЕГ гэх мэт байгууллагуудын хамтарсан баг шалгат хийжээ.
Ингээд шалгалтын дүнг танилцуулав: Шалгалтаар Дорноговь аймагт цацрагаас үүдсэн хордлого, аюул, ургийн гажиг байхгүйг тогтоожээ.
Дорноговь аймгийн Улаанбадрах, Зүүнбаян сумдад нийт 296 дээж авч шинжлүүлсэн.
Цөмийн энергийн газар Э.Нямдаваа:
- Дорноговь аймагт цөмийн цацрагийн тун хэмжээ Монгол орны дунджаас өндөр гарсан. Гэхдээ энэ цэгээс 10-100м зайд холдоход аюулгүй болох нь тогтоогдсон. Тиймээс Дорноговьчууд айдасгүй байж болно гэж үзэж байна. Мэргэжлийн хяналтын ерөнхий газраас 11 худгаас дээж авсан. Хүнцэл, магни гэх мэт хүнд металиуд өндөр гарсан.
ЭМЯ-ны мэргэжилтэн С.Жаргалсайхан:
- Хүний эрүүл мэндэд мөн шинжилгээ хийсэн. Сүүлийн 5 жилд Улаанбадрах, Зүүнбаян сумдад давамгайлах өвчлөлийг авч үзсэн. Ингэхэд цацрагийн болон цөмийн хордлогоос үүдсэн ямар нэгэн өвчлөл гараагүйг тогтоосон. Үүнээс үзэхэд Дорноговьчууд "Уран бидний эрүүл мэндэд сөргөөр нөлөөлж байна гэсэн сэтгэцийн түгшүүр, айдаст автсан" байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.