АНУ-ын Ерөнхийлөгч Дональд Трампын iPhone гар утсыг Орос, Хятадын тагнуулууд хакердсан тухай мэдээлж байсан. Гэсэн ч Трамп хакердуулсан гар утсаа шинээр солилгүй үргэлжлүүлэн ашиглаж байгаа гэж ярьж байна.

Цагаан ордны утасны сүлжээг ашиглахад тохиромжгүй байдаг тул Трамп гар утсаа ашиглах нь элбэг. Тиймээс хакерчид түүний хувийн дуудлага болоод бусад орны удирдагчидтай хэрхэн харилцаж байгааг гар утсан дахь мэдээллээс нь авахыг хүссэн гэжээ.

Нэн ялангуяа Хятад Америктай худалдааны маргаантай байгаа тул Ерөнхийлөгч Трампад нөлөөлж болохуйц хүмүүсийг хайж байж магадгүй гэлээ.

Түүнд гурван ч iPhone байдгийн хоёрыг нь ажилдаа ашиглаж, гуравдахийг нь зөвхөн утасны дугаар хадгалахад ашигладаг гэж эх сурвалжид дурдсан байна. Гэсэн ч Apple-ын гар утаснууд аюулгүй байдлыг бүрэн хангаж мэдээллээ нууцлах тал дээр сул гэжээ.   

Улс төрийн зарим шинжээчид АНУ-ын Ерөнхийлөгч өөрийг нь тагнаж байгааг мэдэх учир хамгаалалтгүй сүлжээгээр хэнтэй юу ярихаа маш сайн мэдэж байгаа гэж бичсэн байна.

Эх сурвалж: www.huffingtonpost.com

---