Татарстанд хоёр эрэгтэй саунд шатаж, нас баржээ
ОХУ-ын Бүгд Найрамдах Татарстан Улсын Воронино тосгоны хоёр иргэн сауны зуухаа буруу халаасны улмаас амьдаараа шатаж үхжээ. Энэ тухай Оросын Онцгой байдлын яамнаас есдүгээр сарын 27-ны өдөр мэдээлсэн юм.
Ослын газарт үзлэг хийсэн мэргэжилтнүүд сауны зуухаа асаахдаа гаргасан алдааны улмаас байшин галд автсан гэж урьдчилсан байдлаар тогтоосон байна. Мөн хүмүүс галыг хожим олж харсан тул аврах албаныхан хэргийн газарт ирэхэд байшин бараг бүрэн шатсан байжээ.
Нурангиас 49, 46 настай эрэгтэйчүүдийн цогцсыг олсон байна. Мөн түлэгдэл авсан ч амьд гарсан 21 настай залуу яаралтай эмнэлгийн тусламж хүлээж авсан аж. Албаныхан түүнийг шатаж байсан саунаас амжиж гарч чадсан гэж таамаглаж байгаа юм.
Эх сурвалж: Известия
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.