Үндэсний Статистикийн хорооноос Монгол Улсын эдийн засаг, нийгэмд COVID-19 цар тахлын нөлөөллийн талаарх 2020 оны эхний найман сарын төлөв байдлыг танилцуулав. 

ҮСХ-ноос гаргасан нийгэм, эдийн засгийн байдлын статистик мэдээллээр 2020 оны эхний найман сарын байдлаар улсын хэмжээнд өмнөх оны мөн үеэс:

• Аж үйлдвэрийн салбарын нийт үйлдвэрлэл 18.4,
• Уул уурхай, олборлох аж үйлдвэрийн салбарын үйлдвэрлэл 25.5 хувь
• Экспорт 16.9 хувь
• Импорт 15.6 хувь
• Улсын нэгдсэн төсвийн нийт орлого, тусламжийн хэмжээ 20.9 хувь тус тус буурчээ.
• Харин хэрэглээний бараа, үйлчилгээний үнэ 2.1хувь, Улсын нэгдсэн төсвийн зарлага, цэвэр зээлийн хэмжээ 32.1 хувь,
• Хугацаа хэтэрсэн зээлийн өрийн үлдэгдэл 15.6 хувиар өсжээ.

ИНФЛЯЦ: Хэрэглээний бараа, үйлчилгээний үнэ 2020 оны наймдугаар сард улсын хэмжээнд өмнөх сараас 1.0 хувиар буурч, өмнөх оны эцсээс 2.3 хувь, өмнөх оны мөн үеэс 2.1 хувиар хувиар өссөн байна.

Аж ахуйн нэгж, байгууллага, иргэдэд олгосон нийт зээлийн өрийн үлдэгдэл 2020 оны 8 дугаар сарын эцэст 17.4 их наяд төгрөг болж, өмнөх сараас 53.2 (0.3%) тэрбум төгрөгөөр өсөж, өмнөх оны мөн үеэс 876.9 (4.8%) тэрбум төгрөгөөр буурсан байна. Нийт зээлийн өрийн үлдэгдлийн 8.8 (50.7%) их наяд төгрөг нь иргэдийнх байна.

Дэлгэрэнгүйг ЭНД дарж авна уу.

---