Шинэ долоо хоногийн эхэнд дэлхий даяар коронавирусийн халдварын тохиолдол 27,296,000-д хүрч, 887,596 хүн нас бараад байна. 6,4 сая иргэн халдвар авсан тоогоор АНУ дэлхийд тэргүүлж байгаа бол 4,137,000 тохиолдлоор Бразил улс гуравдагаарт орж байна. 

Харин Энэтхэг улсад коронавирусийн халдварын 4,205,000 тохиолдол бүртгэгдсэнээр дэлхийд хоёрдугаарт бичигдэж эхэллээ. Өнгөрсөн долоо хоногт Энэтхэг нь Бразил улсын дараа гуравдагаарт орж байсан бол шинэ долоо хоногийн эхэнд коронавирусийн халдварын тоогоор Бразилийг гүйцлээ. 

Эх сурвалжийн мэдээлснээр сүүлийн 24 цагийн хугацаанд Энэтхэгт 90,000 гаруй шинэ тохиолдол бүртгэгдсэн байна. Тус улсад Ковид-19-өөр халдварласан 71,642 хүн нас баржээ. Энэтхэг улсын таван мужид халдвар эрчимтэй тархаж байгаа бол Америкийн 22 мужид халдварын тохиолдол нэмэгдсэн байна. Мөн халдварын тархалт харьцангуй буураад байсан Франц улсад тархалт дахин эрчимжсэн талаар зарих эх сурвалж мэдээллээ. 

Өнгөрсөн гуравдугаар сард бүх нийтийн хөл хорионд шилжсэнээс хойш хүнд байдалд орсон эдийн засгаа сэргээхийн тулд хорио цээрийг цуцалж эхэлсэн нь халдварын тархалт хурдацтай нэмэгдэхэд нөлөөлсөн гэж үзэж байна. Энэтхэгт сүүлийн долоо хоногт өдөрт дунджаар 75,000 шинэ тохиолдол бүртгэгдээд байгаа юм. 

Эх сурвалж: ВВС

---